Owens (砵蘭街)

营业中

休息中

因为系附近打泰拳，所以基本上系睇住佢装修同开舖。一开始开业嘅时候冇咩人，都谂住得闲就会去食。点知转个头去食嘅时候已经要排队了～餐厅有好抵嘅午餐set可以嗌，包一个沙律菜菜或者汤，一个主食同饮品。呢个价钱嚟讲份量都算大，女仔食嘅话应该都好饱。食过几次，通常会叫burger 、三文鱼炖饭同鸡胸意粉。样样嘢都热辣辣，好食。特别系鸡胸，唔知点解整得好软又有鸡汁，一碟得几块唔够喉。甜品方面，有最出名嘅Tiramisu，又系份量感人，食完lunch set再食饱到上心口。佢嘅味道又唔算好特别，但系质地做得几好，可以一试。呢度嘅服务好贴心，冬天嚟嘅时候好冻，除咗一般嘅冻水仲俾咗杯热水我哋。有咩需要嘅时候都好快会过嚟帮手。上菜都快，会问我哋要唔要多两只碟，准时攞牙签比我地，好关心客人嘅需要。