媽咪雞蛋仔 (已搬遷) 新店位置

食完蕃茄仔行过隔离就系妈咪鸡蛋仔，口味有甜有咸，款式超过10多款，最新就有法式柠檬芝士、牛油果朱古力，餐厅推荐粒粒朱古力、香蕉朱古力、双重芝士，价钱$20起，即叫即整，需时等候粒粒朱古力 $25鸡蛋仔用手抽袋住，好特别设计🤣底部位置设有气洞，热辣辣鸡蛋仔可以疏气，唔会焗住，保持香脆，手抽设计亦唔怕攞时会压扁左佢，几贴心，不过食用时就有点不便，比较难推上去🙈完整一底鸡蛋仔，冇散开一粒粒，外皮烘烤得好靓🥰胀卜卜之余边位都系好脆，粒粒朱古力好足料，有别于加入朱古力粉制作蛋浆的做法，朱古力味好浓，口感有点似麻糬，中心软熟带点烟韧，仲见到少少流心朱古力，整体不会甜腻