Bon Appetit

营业中

休息中

我先生未食过私房菜，所以生日就带佢来庆祝生日，订枱时，因为我自己大肚同埋会带埋小朋友来，所以店员sue都帮我细心谂咩食物会较啱我或者唔啱我食，我先生钟意食海鲜，但我又大肚就唔啱食生冷野，所以sue主动话帮我整䁔海鲜，赞！ 我地系全场最早到既一枱，枱上店员仲替我同仔仔为我先生送上生日咭！好有心！仔仔见到蒜蓉饱已经被吸引咗食2件！好快就一碟一碟咁上菜，唔会觉得赶或者要等好耐，上菜timing 啱啱好！食物方面，最有惊喜系海鲜盘既自制香草汁，好特别! 虽然我唔可以拎酒，但沙律菜上既白酒啫喱真系好吸引！我忍～真系碟碟都好满意！食到主菜已经觉得好饱好饱，到最后田螺天使面都要打包拎走！重头戏....火焰雪山！店员拎出时仲替先生唱生日歌！当作生日蛋糕系好好既选择！下次一定再来！