羅勇泰國粉麵 (已結業)

今日系尖沙咀行街，同时又系觅食的时候。厚福街出名多餐厅，今日想食海南鸡饭的瘾起，经过罗勇，就决定试一试。餐牌虽然得一页，但选择都好多。今日叫了海南鸡饭+猪手饭+虾饼+青柠梳打+椰青。海南鸡饭：鸡肉嫩滑，如果鸡件再多点，令到每啖鸡都有鸡𩠌饭，就最完美，因为饭的份量都多，哈哈，我都知好贪心，饭都好够味。最惊喜系个汁可以选辣同唔辣，好适合我呢个爱好海南鸡饭，又食唔到辣，但又好想有酸酸汁，呢间就好贴心有得选，汁酸酸地，好开胃。另外，呢间的汤并不是普通的冬瓜汤，而是特别下本的椰子鸡汤，浓味，不会过咸。猪手饭：猪手非常淋同入味，入口即溶，个猪手汁配饭好夹，令人食哂。虾饼：虾的份量不少，非常弹牙，热辣辣又脆，配埋两杯饮品，透心凉。