慶豐茶餐廳

营业中

休息中

呢排真系好忙 落雨湿湿都要周围去，今日黎到旺角，可能因为疫情关系，成条女人街嘅舖仔都冇乜点开， 可以望清楚街两边有啲咩食。今次我就嚟到 一间叫庆丰既茶餐厅。 其实佢就系女人街近亚皆老街入口， 门口仲有一张枱啱晒吸烟人士坐，好易认。入到去餐厅细细，都企理干净，仲有大电视俾食客边食边睇。今日我叫左佢既午餐推介，蒜蓉鸡扒肠仔饭套餐。咩叫套餐？就系有埋餐汤及饮品啰。等食期间都见好多系左近返工既sales哥哥姐姐黎买外卖，证明我应该冇简错餐厅喇，系左近返工实知边间好食。等左一阵饭黎喇，哗，好大碟，移开块鸡扒，原来扒下边仲有饭。鸡扒大大块，汁又多，完全系用份量多黎形容佢。仲有肠仔，平时茶餐厅系原条上俾你，佢地好好心机 介晒花咁，好似俾小朋友食既八爪鱼肠仔咁。佢地仲好贴心俾多杯热滚水俾你洗下食具先开始食。最尾紧系食唔晒喇，不过要 赞一赞鸡扒好 嫩滑，好好食，下次经过唔知食乜喇。