Hungry Elephant (已結業)

行经天后，未到约定友人时间，黎左呢间次次走过都想试既餐厅hea下~一入度黎个感觉系几relax ge, 落地大玻璃布置，令成间餐厅有更多自然光进入~背境有中外流行轻音乐，餐厅采木制餐桌，令人坐得好舒服，周围又有唔少植物做装饰，系度进食令我觉得自己好文青，想睇番本书，叹下咖啡~点左秘制海鲜叻沙($65)同越南咖啡($35)。叻沙细细份， 汤头都ok浓郁，有椰香，海鲜有虾，蚬，鱿鱼，鱼丸仲有豆卜芽菜，面系米粉加油面，食味唔错~越南咖啡先最正！上枱一set上，下面玻璃杯内有炼奶衬低，咖啡就系上面个银色器皿滴漏落玻璃杯度~热辣辣，啡底唔酸有香浓焊焙咖啡香~因为我系第一次试，觉得好特别同好好饮~其实重点系想讲服务，我有选择困难症，虽然餐牌选择唔多，但都揸唔定主意，店员好用心咁介绍俾我知，等我拣到最arm我既~因为hea成粒几钟，非繁忙时间，店内唔算多人，但店员依然飞快执枱同serve客人，其中一对母子入左黎坐窗边对街位置，小朋友arround3岁左右，店员见小朋友唔够高但坐大人枱即快飞快为小朋友换高椅(冇错，又系飞快)，仲俾左杯果汁哄小朋友，成个感觉真系好窝心啊～虽然tea黎讲呢度唔系平，但用料