小金井日本料理 (已結業)

今日好唔开心, 好朋友特登过黎请我食饭, 谂住请我食餐好嘅, 去咗间上次同另一个朋友都有投诉果间日本野度食(果2位朋友做海鲜嘅, 我都食咗有问题, 小金井死都话无问题, 算啦, 都无谂住出report), 点知.....今日去到, 喺门口已经俾佢啲知客点, 明明入面有位, 都要等佢安排, 2位咋噃, 算....叫咗2个定食, 另外叫咗一客虾卷(落单果个死都要更正我老友系海老卷@_@), 咁正宗？驶唔驶用日文落柯打啊？都算啦！定食无咩特别, 最特别系食完晒想走都唔黎个海老卷, 以为佢漏咗单, 都成个钟头啦, 通常啲食肆一催佢就会话黎紧。到我叫埋单走啦, 佢就即刻黎, 我话以为佢漏咗单, 都唔要啦, 取消啦！佢就话唔改得, 只虾都整咗。话佢地无问题㖞, 我可以报警㖞！>_<真系越食越唔开心呀！唔通佢整2个钟, 我都要俾钱？有边个食晏可以食超过一个钟呀？仲有我左右2台迟过我黎都已经到咗啲定食同食紧啦！我地叫果个海老卷都贵过人地啲定食啦, 点解要上晒人地啲定食先上我啲海老卷？方便整？真系谷气, 唔讲唔得, 如果唔系下次再去(因为佢好近我公司), 又失礼人同受气！