影片
更多
2016-12-22
6207 浏览
今次唔系第一次黎呢间酒楼食晚饭，之前几次黎既食物质素同服务态度都OK的。但今次既经验真系好差。首先，我之前明明打左去book位，果日佢仲有打黎确认订位。但去到竟然话我冇book位，仲求奇指左张二人枱比我，我一家四口点坐呀!!我地话太窄坐唔到，之后佢就指我地坐门口果张，仲讲<你坐就坐，唔坐就冇喇，今日full晒>。屋企人见做节就算啦照坐。但系我心里不平，出去知客果度望下张订位纸，我见到明明有我个booking，原来系佢将我张枱比左人。咁好难唔嬲啦，我问佢点解咁，个知客态度好差，话<宜家又唔系冇位你坐>。我就揾个经理叫佢解释，点知态度竟然同个知客一样，我真系嬲到想走。但屋企人话今日多人，走左都揾唔到餐厅，咁就忍住啖气啦。食物质素又系另一令人嬲既事。果晚我地叫左五个𩠌，整体质素都难以接受。烧汁南瓜星斑球:呢个系细路话试既，话个配搭得意。点知......又咸又甜，古古怪怪咁。声称系星斑，但鞋到呢，完全唔系星斑的质素啰！金沙蛋黄大虾球:呢个算系最似样既，真系新鲜炸起，但系只虾系林既，一D都唔弹牙。咸鱼蓉鸡粒豆腐煲:咸鱼㖞，正常应该系重味既𩠌呀，点知系冇味既。但入
首先，我之前明明打左去book位，果日佢仲有打黎确认订位。但去到竟然话我冇book位，仲求奇指左张二人枱比我，我一家四口点坐呀!!我地话太窄坐唔到，之后佢就指我地坐门口果张，仲讲<你坐就坐，唔坐就冇喇，今日full晒>。屋企人见做节就算啦照坐。但系我心里不平，出去知客果度望下张订位纸，我见到明明有我个booking，原来系佢将我张枱比左人。咁好难唔嬲啦，我问佢点解咁，个知客态度好差，话<宜家又唔系冇位你坐>。我就揾个经理叫佢解释，点知态度竟然同个知客一样，我真系嬲到想走。但屋企人话今日多人，走左都揾唔到餐厅，咁就忍住啖气啦。
食物质素又系另一令人嬲既事。果晚我地叫左五个𩠌，整体质素都难以接受。
烧汁南瓜星斑球:呢个系细路话试既，话个配搭得意。点知......又咸又甜，古古怪怪咁。声称系星斑，但鞋到呢，完全唔系星斑的质素啰！
金沙蛋黄大虾球:呢个算系最似样既，真系新鲜炸起，但系只虾系林既，一D都唔弹牙。
咸鱼蓉鸡粒豆腐煲:咸鱼㖞，正常应该系重味既𩠌呀，点知系冇味既。但入真系有咸鱼蓉㖞，真系唔明点做到既!
蜜汁叉烧:谂住冇可能难食啦，一般正常酒楼都唔会出事。点知味道系冇问题，但系全瘦啰，真系无言了。
上汤焗加拿大龙虾:味道系正常既，肉得三旧，其他全部系脚同头，完全并唔出一只正常虾。而肉质更加完全系雪藏质地。几百蚊比呢个质素我，真系唔合理。
综合一句，以后都唔会再帮衬
张贴