影片
更多
2024-02-02
287 浏览
我平时都无写开食评嘅，但系今次真系忍唔住啦，因为食完呢间餐厅返到屋企一直喺度肚痛，然后啱啱凌晨五点几肚痛到扎醒咗仲起身呕咗一次，我觉得今次真系唔写唔得。几个月前呢同旧同事嚟食个锋哥厨房，成个用餐呢都非常之愉快，食物质素都非常好；所以今次就同屋企人到访第二次。 成个用餐呢都不断俾一个貌似系老板嘅男人「服务」，鸡煲计时5分钟食，之后放咗龙虾放咗落个鸡煲度唔够3分钟够钟食，但系拎上嚟呢系冻嘅；我哋谂住摆番落去煮返热啲啦，但系呢位「老板」 就话龙虾呢本身就整熟咗冻食都得㗎㖞，仲话出去食自助餐啲龙虾都系冻㗎啦。 然后个鸡煲又要我哋不断咁样搞个底，但系呢个煲已经变咗型不断呢系360度咁样转完全搞唔到，然后我哋搞唔到开始有啲㶶味呢啲员工你又开始觉得我哋冇跟足指示去食个鸡煲，成餐饭都食得，非常之有压力。（个鸡煲仲要好难食）到海鲜部份啦，我其中一个屋企人可能呢啱啱呢只系夹咗少少海鲜，咁我呢位「老板」嘅男人呢，就质疑我哋做咩咁少啊，真系估唔到你任食火锅店夹得少都要俾人问㖞。连未攞嘢饮，佢都要话做咩呢个人唔饮嘢啊都唔知系出于关心吖定系觉得呢我哋奇怪，总之表情表露到我哋成枱系奇怪，语气眼神都令人十分受气。后尾
几个月前呢同旧同事嚟食个锋哥厨房，成个用餐呢都非常之愉快，食物质素都非常好；所以今次就同屋企人到访第二次。
成个用餐呢都不断俾一个貌似系老板嘅男人「服务」，鸡煲计时5分钟食，之后放咗龙虾放咗落个鸡煲度唔够3分钟够钟食，但系拎上嚟呢系冻嘅；我哋谂住摆番落去煮返热啲啦，但系呢位「老板」 就话龙虾呢本身就整熟咗冻食都得㗎㖞，仲话出去食自助餐啲龙虾都系冻㗎啦。
然后个鸡煲又要我哋不断咁样搞个底，但系呢个煲已经变咗型不断呢系360度咁样转完全搞唔到，然后我哋搞唔到开始有啲㶶味呢啲员工你又开始觉得我哋冇跟足指示去食个鸡煲，成餐饭都食得，非常之有压力。（个鸡煲仲要好难食）
到海鲜部份啦，我其中一个屋企人可能呢啱啱呢只系夹咗少少海鲜，咁我呢位「老板」嘅男人呢，就质疑我哋做咩咁少啊，真系估唔到你任食火锅店夹得少都要俾人问㖞。连未攞嘢饮，佢都要话做咩呢个人唔饮嘢啊都唔知系出于关心吖定系觉得呢我哋奇怪，总之表情表露到我哋成枱系奇怪，语气眼神都令人十分受气。
后尾佢有其他熟客先开始放弃「服务」我哋呢枱，而我哋终于可以放松少少。
本身都算㗎啦，就谂住以后都唔再食啦，觉得质素真系差咗好多，仲要特登入去元朗行到揿入去呢间餐厅，喺西铁站行过嚟都差唔多要20分钟㗎，大家自己衡量肠胃到底接唔接受到呢间餐厅嘅食物嘅挑战，同埋EQ够唔够高能够接受呢位「老板」嘅挑战啦。
张贴