百份百餐廳 (藍灣廣場) (已結業)

题外话/补充资料： 当日与一众友人在蓝湾打完波, 谂住去茶记食个 Tea, 随意走入呢间 "百份百(恶顶)"餐厅, 展开了1小时10分钟的奇幻经历: ~ 事件一 我地一行五人大概下午 5:45 到餐厅, 一心想食个 Tea, 走入去座低, 见枱面无 Menu, 于是问 Waitress 攞, 点知... Waitress: 无 Menu 我地: 咁有无下午茶 Waitress: 无 我地: 唔紧要食晚饭都 OK, 咁唔该晚饭 Menu 呀 Waitress: 无㖞, 厨房未准备好, 所以唔可以派 Menu... 我地: 咁我地要等到几点? Waitress: 6点... ... 于是我地唔想周围走, 所以默默地等到6点, Waitress 们慢慢地派 Menu, 而我地就落单叫嘢食 .... 我: 唔该咖哩牛脯 (因为系 Menu 上的推介) Waitress: 无㖞 我: 咁另一个推介 "拿破伦海鲜炒饭" ... 过咗 25分钟, 我嘅炒饭仍然未出现, 其他朋友都差不多食完 ... 我: 唔该我地仲有个 "拿破伦海鲜炒饭" 未到 Waitress: 无炒饭㖞 (非常悔气) 我: 点解唔早 d 讲, 要 25 分钟后我问你至讲, 咁我可以叫乜, 叫2样你都无 Waitress: 叫小菜呀, 呢2行小菜你可以叫, 我地识整 (非常恶, 指住个 Menu, 要我马上决定..., 仲不断催促要马上落单...) 我: 你走开, 我睇完一阵叫你 (真系火都嚟...) Waitress: 厨房唔识炒饭, 你叫炒饭, 我唔知会比 D 乜嘢你食嫁 (好大声, 好无礼貌咁讲, 仲不断重覆... 一路行开) ... 转个头, 另一个 过来 ... Waitress 2: 唔好意思, 我地无炒饭, 你叫第二样... 我: 唔知叫乜, 叫乜你地都无... (已经一肚气...) Waitress 2: 咁不如你叫咖哩... 我: 我一坐低就叫咖哩, 系你地话无, 你而家又叫我 order 咖哩??? (已经成肚气.. 无气閙...) 咁就咖哩喇... 事件二 当日有个斯文靓仔座响我地附近比我地还早到, 叫咗好多次抺枱都无人睬佢, 后尾 Waitress 派 menu (份 menu 系飞落佢枱面), 靓仔再叫 waitress 抺枱, waitress 只系问佢系咪2位依然唔抺, 靓仔坚持要佢先抺枱, 一路抺枱, waitress 一路念念有辞: 我点知你系咪啱啱食完嘢唧, 所以我咪唔抺啰..., 枱抺完了, 靓仔起身拂袖而去... 事件三 有个伯伯眼见 Waitress 咁大声恐我话无炒饭, 又见自己叫嘅炒饭未到所以追单, 点知 waitress 话整紧, 碟饭到咗, 只见系一碟有个啡色汁淋在响上面嘅饭, 显然无炒过... 伯伯食咗几啖就走... 惨! 事件四 有个城巴车长到收银埋单, 同收银讲 : 我个饭好耐都无嚟, 收银居然恶过车长, 仲大声话: 咁你有无追呀! 车长回应: 追咗好多次, 系你地无理过我 (气冲冲走咗...) 事件五 门口有人攞飞等紧位, 但有人无攞飞就行入去, waitress 们还安排座位比佢, 令门口等位人仕极为不满...