新星茶餐廳

营业中

休息中

一入门口已经想赶你走，餐牌要自己揾，叫嘢食要求人，餐牌有嘅食物，到叫嘅时候会冇，落单嘅唔想理你，厨房嘅想赶就嚟，啲嘢食仲要超级难食，我叫咗个叉鸡饭，啲叉烧薄切过鱼生，啲鸡瘦过鸡翼尖，见到嘅时候自己都呆咗，原来香港仲有啲咁嘅餐厅生存紧，完全唔明白点解，简直系要起身就走，仲要价钱唔系特别平。埋单嘅时候都冇人理你，好在自己预好晒散子唔使找摆低就走。佢绝对可以列入我人生食过最差嘅餐厅之列，完完全全感受到食物差、服务差、环境差、感受差于一身。今时今日仲可以生存到简直系奇迹。唯一嘅好处系唔使等位差到忍唔住要写返个留言，希望睇到嘅人唔好好似我咁，要贴钱买难受，后来睇其他留言先知，原来呢间舖头系帮监狱入饭𩠌，所以根本唔稀罕做街客，希望大家唔好中伏。