Shibui 洋食屋 (已結業)

有日同男朋友放工路过呢间餐厅见装修几几精美，好似好日式咁，区内又无咩呢类餐厅，咪打算试下，点知系恶梦既开始。我地两个人叫左三样野，两个main 一个小食。明太子鸡翼就正正常常。但重点系个主菜，首先上台既系奶油烧鸡乌龙面，份量比较的骰，咁食野好多时味道先系重点，点知食落去个鸡生既，鸡有厚度，里面个深唔熟既，我地即刻同个店员讲，换过碟比我地，但已经好扫兴。做餐厅黎讲食物就最重要，先唔好讲味道，连食物都唔熟？？？真系几离谱作为一间餐厅，好心与其搞咁多包装装修不如落心机搞好d食物先，唔好本末倒置。以吸引人黎打卡既心态唔用心落食物既话好难有回头客。第二个main谂住叫餐厅主打既鳗鱼炒面实无死，同样令我好惊喜。个炒面咸到要洗肾，仲硬到一旧旧咁。个蛋同鳗鱼似买返黎即食个只质素。成碟野比我个感觉似东拼西拼买唔同既即食野返黎翻热就上台，百五蚊个main食紧咁既野……总结：多钱既或者想激嬲女朋友搏分手，建议ex去既呢个系不二之选。