影片
更多
2023-01-13
575 浏览
有一段时间冇嚟呢间舖头，估唔到今次真系换来一个极差嘅经验。一坐低想叫嘢食，个资深职员/店长已经叫个浅历职员「唔使行过去」，暗示叫我大声落单。Fine。咁我照大声落单，其实心入边已经谂紧「如果有啲人喉咙唔舒服咁点算？同埋行几步都咁难？点解要搞到自己间店好似街市咁？」落左单后，15分钟内有野食，呢个ok。野食同野饮到左后，见到碗面无汤匙，张枱上面个餐具盒又无汤匙，我张枱又无抽柜。我谂系佢唔记得左比我？于是，我举手讲返想要杯水同个汤匙。个资深职员/店长望左我一眼，无出过声就走过左⋯ 都唔紧要，我后尾见佢斟紧水，我就无再留意。杯水黎到之后，都系无汤匙⋯ 我于是截一截佢，同佢讲差只汤匙。佢已经癫左咁大叫「你咁多野要架！又唔一次过讲！」，我已经无出声，废事嘈交啦，好冷静咁望住佢。跟住，佢随即拉开我隔离隔离张枱个抽屉（原来有抽屉，我个位置真系望唔到，天地良心）。佢拎左个汤匙出黎，继续大叫，「呢到咪有汤匙啰！」，跟住我讲紧「唔该」嘅时候，佢就将个汤匙掉落枱面，个汤匙系枱面「咚」后，滑行了一张枱嘅长度，撞到我碟鸡扒后停低。佢掉完之后，头也不回咁走左。呢个经验真系差到爆。返工有情绪，点解要发落去客人到？真
一坐低想叫嘢食，个资深职员/店长已经叫个浅历职员「唔使行过去」，暗示叫我大声落单。
Fine。咁我照大声落单，其实心入边已经谂紧「如果有啲人喉咙唔舒服咁点算？同埋行几步都咁难？点解要搞到自己间店好似街市咁？」
落左单后，15分钟内有野食，呢个ok。
野食同野饮到左后，见到碗面无汤匙，张枱上面个餐具盒又无汤匙，我张枱又无抽柜。我谂系佢唔记得左比我？于是，我举手讲返想要杯水同个汤匙。
个资深职员/店长望左我一眼，无出过声就走过左⋯ 都唔紧要，我后尾见佢斟紧水，我就无再留意。
杯水黎到之后，都系无汤匙⋯ 我于是截一截佢，同佢讲差只汤匙。佢已经癫左咁大叫「你咁多野要架！又唔一次过讲！」，我已经无出声，废事嘈交啦，好冷静咁望住佢。
跟住，佢随即拉开我隔离隔离张枱个抽屉（原来有抽屉，我个位置真系望唔到，天地良心）。佢拎左个汤匙出黎，继续大叫，「呢到咪有汤匙啰！」，跟住我讲紧「唔该」嘅时候，佢就将个汤匙掉落枱面，个汤匙系枱面「咚」后，滑行了一张枱嘅长度，撞到我碟鸡扒后停低。佢掉完之后，头也不回咁走左。
呢个经验真系差到爆。返工有情绪，点解要发落去客人到？真系比钱买难受。天地良心，如果我知道隔离隔离张枱有抽屉，我会叫你拎咩？大家都知你态度差，无咩都唔想烦你啦！同埋，唔知道𠮶度有汤匙呢啲虾6野，都唔会系第一次发生啦，有必要咁嬲咩？直头好似我争佢一百万冇还咁。
野食质素都直线下降。鸡扒有一堆面粉，个蕃茄汤冇蕃茄味，连谭仔米线个蕃茄汤都有味过佢。我会附加食前同食后嘅相，我食晒唔代表佢好食。
（备注：其实第一次食评打完有啲问题出唔到，我都谂住算数。但系呢一刻，我食完之后肚屙，我真系好俾心机咁再打多一次！）
其实帮衬左呢间都五年，望住佢有两间分店变到得返一间，仲要多咗好多劣评。有一段时间冇嚟，态度照旧，甚至再差啲，连嘢食都差埋，真系好失望！
炸鸡扒蕃茄面
$53
15 浏览
1 赞好
0 留言
张贴
