大少爺茶餐廳 (已結業)

昨日同朋友来跑马地买东西，原本想吃上海野，但发觉已没营业，看到隔离街有这间大少爷就试试。我们点了两客食物-- 焗蕃茄猪扒饭同焗白汁芝士龙脷意粉, 仲有两杯嘢饮。食物都OK。猪扒几淋饭都够味，只是个意粉有D淡。但服务认真恶劣。一入到去见到门口有张卡位无人，但佢地话有人book咗叫我地坐普通枱。咁都ok。啱啱落咗单见有张卡位有人走就问侍应可唔可以转卡位，个年青细路侍应一句「唔得」就黑面行开咗。真系好少见D咁无礼貌嘅人。问D侍应攞碗仔同公叉又差唔多掟落张枱咁滞。成班烂仔咁，一D家教都冇。到我地食完走时，𠮶两张卡位都冇人坐。其实我谂佢地系将D卡位留畀熟客，生客就免问。与其咁唔愿做生客生意，食物水准没有特别，价钱又贵，咁不如变做私人会所只招待会员啦。本来一歺开心晚饭嘅心情就畀呢间野破坏咗喇。