煌府西九龍 (已結業)

星期日饮茶，预左多人，8:45去拎位，5位，拎B28, 先叫到B4...足足等左成个钟。星期日都有特价野食，入单计去到11点，但唔算平，孖宝仲要加3蚊添。先讲食物，味道真系好麻麻，叫左个凤爪排骨饭。。。点知居然个饭黎到，冇左只凤爪，但系有凤爪汁，好似俾人食过咁，于是叫换个个饭 。。。点知等左半个钟，个饭都未拎返黎，最后都系取消算啦。叫左特价鲍片烧卖，$6.8两粒，都几平，但系烧卖又甜又咸咁，鲍片同烧卖完全格格不入，好难食。唯一好食既，系个牛肉肠粉，皮薄，软滑 环境真系迫到喊，椅背贴椅背。服务质素更是零，侍应个个扮睇你唔到，叫人做野一个推一个，茶壶拎左去又唔俾返黎，完全感觉系混乱。4个人，净系食特价点心，叫左6个点心，加一个孖宝，埋单唔使200蚊。但系咁既价钱，要等咁耐，仲要系冇服务可言，我唔会再黎食啰。