Rempah Noodles

营业中

休息中

都好一段时间冇黎食，晚上六点见到店舖外面同入面都无客人，同之前黎食2次要排队都觉得奇怪。满心欢喜唔驶排队咁就同朋友坐低食吓野倾吓偈。由于我已经食咗嘢，我就推介朋友试佢个喇沙，叫咗个斑斓多士同两杯嘢饮！我同朋友两个人食食吓，喺我哋倾偈途中个店员突然间好大声讲excuse me！仲要态度好rude咁讲！然后就喺我哋两个中间突然间伸只手入嚟收野，当时朋友其实个口仲咬紧个多士，杯野都未开始饮，已经赶住收野！而当时门口系冇人等位，餐厅入面亦都有其他坐位！而我哋当时食左45分钟……！我哋见佢咁恶，算啦，嗱嗱声食完饮完好即刻走！去到埋单，问佢有咩payment methods, 佢态度劲差咁话cash/ Payme! 见到佢个面口，我忍唔住问佢，其实我哋两个人食咗一个钟都冇，唔需要咁rude!佢即时当住其他客人面前发难再闹人！仲要闹翻我哋转头话系我地态度差😅😳你喺我哋两个中间突然咁大声讲excuse me，我哋俾你吓亲都未出声！未食完就收野，澳牛都唔会啦！打开门做生意咁燥底应该系求气🫣题外话，原来我早一年前带我另一个朋友黎食，佢都话有差唔多嘅经历，都系不停收野好似想赶人走咁！我完全唔记得咗有咁既事！