TORIO喫茶部 (已結業)

我同友人打算开开心心食个下午茶， 点知遇到态度超差既员工，成到成肚气。我地系门口等左一阵入去，之后个女职员带我地去普通2人坐位，之后见到卡位既客人咁岩走左，我地就有礼貌问佢可唔可以转卡位。佢就即黑面话，咁你出返去门口等阵。之后我地坐左卡位，等待食物期间想影下相，之后我就影相，可能影个时企左出个卡位小小。个女职员就即卡话影相唔好阻到其他人，语气好差，一句唔该都冇。仲要去返同佢同事讲，所以水吧同事望晒过黎，仲听到佢大大声讲帮唔好影。送食物黎个时都大大声摆低，咩都唔讲走左去。我同友人食到成肚气，野食普通。之后走个时同个女职员讲返你态度好差，之后佢态度好轻挑，话对唔住㖞。之后个唔知系咪负责人仲大大声话我地阻住佢同事摆低野，叫我地同佢同事道歉！咁既服务态度真系第一次见，唔会再帮衬，请我都唔去！员工态度有问题仲要咁样对客人，祝呢间野早日结业。