影片
更多
2019-05-17
22 浏览
好朋友生日，梗系要同佢食餐生日饭啦 ！揾一间近铁路沿线嘅日本餐厅同佢庆一庆祝先！ 呢间「贺喜」位于大围站附近， 由大围站行去大概需要七至八分钟，地点非常方便！入到去，见到见到佢好细心咁分咗三个menu， 一个系main menu， 一个系set menu，另一个系夏日menu！同时，见到有一个好大嘅刺身吧台! 可见佢嘅刺身item系放咗唔少嘅设备同期望！我知我一定要点刺身同寿司喇！入座后，店员立刻斟杯茶，体贴非常， 而餐具都印埋靓靓logo！衬到绝！ 缟参鱼刺身～ 刺身系薄切， 配咗两个酱汁 ，但实际上佢嘅鱼肉本身好甜，变相有三个口味！刀功了得！透到见光！劲！日式金蒜牛肉眼配招牌卷（set）：1. 招牌卷～本身有浓厚嘅鳗鱼酱汁 所以我都冇再点豉油，内里卷住嘅， 就系有咬口嘅蟹子、青瓜……等等，口感一流！2. 金蒜牛肉眼~ 用咗肥瘦参半嘅牛肉肉眼薄切， 有油香，再配上炸过嘅金蒜， 非常香口，送饭一绝！盐烧鲜鸡肾～ 虽然系串烧，但系无烧到干争争嘅感觉！ 鸡上保留脆口嘅口感 ，加上「盐烧」呢个调味，带起佢嘅鲜味！刺身带子烟肉烧～ 外层烟肉烧到甘香！ 内里嘅带子亦都好嫩，形成外脆内软！呢款串烧
入到去，见到见到佢好细心咁分咗三个menu， 一个系main menu， 一个系set menu，另一个系夏日menu！
同时，见到有一个好大嘅刺身吧台! 可见佢嘅刺身item系放咗唔少嘅设备同期望！我知我一定要点刺身同寿司喇！
入座后，店员立刻斟杯茶，体贴非常， 而餐具都印埋靓靓logo！衬到绝！
缟参鱼刺身～ 刺身系薄切， 配咗两个酱汁 ，但实际上佢嘅鱼肉本身好甜，变相有三个口味！
刀功了得！透到见光！劲！
日式金蒜牛肉眼配招牌卷（set）：
1. 招牌卷～本身有浓厚嘅鳗鱼酱汁 所以我都冇再点豉油，内里卷住嘅， 就系有咬口嘅蟹子、青瓜……等等，口感一流！
2. 金蒜牛肉眼~ 用咗肥瘦参半嘅牛肉肉眼薄切， 有油香，再配上炸过嘅金蒜， 非常香口，送饭一绝！
盐烧鲜鸡肾～ 虽然系串烧，但系无烧到干争争嘅感觉！ 鸡上保留脆口嘅口感 ，加上「盐烧」呢个调味，带起佢嘅鲜味！
刺身带子烟肉烧～ 外层烟肉烧到甘香！ 内里嘅带子亦都好嫩，形成外脆内软！呢款串烧唔系喺坊间普遍见到，相信算系佢嘅特色菜！
寿司（由左至右）～
吞拿鱼、缟参鱼、三文鱼、带子、蟹子 、加拿大海胆
总括嚟讲都好新鲜，好够鲜味 ，最想highlight讲嘅系吞拿鱼同埋加拿大海胆， 吞拿鱼口感细腻顺喉，而加拿大海胆， 无腥味， 口感亦都好rich！推介！
南瓜甘露（ 甜品）～ 口感有啲似红豆沙，佢应该系用南瓜打成嘅！ 真材实料！ 唔会太甜！ 好味道！
张贴
