小南國 (已結業)

大伙亲戚食团年饭，通常都系食返粤菜，今次拣嚟小南国我都几surprised，亲戚话唔好次次约出嚟都食一样㖞。先睇新春套餐菜单：前菜已经摆满张枱，特别喜欢马兰头干丝。主菜重点讲几个。南国姜蓉鸡我嫌佢过淡，无论只鸡定面头嘅姜蓉都冇乜味。发财大元蹄，卖相几吸引，味道都合格。全家福，大大煲好多料。最好食系啲蛋饺。汤底唔太咸ok。灌汤生煎包，外脆内软，非常可口。甜点都做得几有诚意，桂花糕、煎堆值得推介。花生状𠮶啲系酥皮入面有花生，食落似食花生酱面包咁。今餐都算食得开心，ok