炑八韓烤 (已結業)

相隔左差唔多个来月先得闲揾番啲相，呢次其实系之前同屋企人食既贺年饭～之前同CHICKEN 黎到炑八冇食到烧肉令我一直念念不忘，因为佢地既烧肉真系一级棒！碰巧果排有新餐牌当然要试新野～沙律菜，生菜新鲜，以胡麻酱做配酱，令人愈食愈开胃。烧烤炉必食既泡菜蛋和芝士粟米粒，以韩式前菜黎讲呢两款真系点食都唔厌～韩式饺子年糕汤，韩国人过年同样都会食年糕贺年，以石锅奉上～呢款年糕汤亦都系韩国既新年菜式，汤底由猪骨同紫菜煮成，味道清淡，饺子肉馅以白菜同猪肉为主，不过饺子数量只有三只：Ｓ汤里头会有丸子状既年糕，口感烟韧。贺年套餐既主角，可以话系今次重头戏！烧肉拼盘分别有牛五花、牛前胸肉、牛舌、薄切韩牛牛扒、五花腩及大虾。尝左多款烧肉过后，薄切韩牛牛扒最心得我心，牛味香浓，而且充满肉汁，肉质同味道都比牛五花、牛胸肉更加入味同嫩口～ 配搭生菜同食又系另一种烧肉享受~惊喜既系，五花腩意外地好食，自己其实好少食，但烤过之后油脂香味出晒黎，但口感一啲都唔肥腻，好脆身～香烤大虾，肉质好弹口，而且啖啖肉好滋味～九节坂，系一款韩国古时既皇室贵族过年食品，色彩缤纷，材质用料都好健康材料包括蟹肉、菠菜、牛肉、冬菇、青瓜、鸡蛋