影片
更多
2024-03-13
1938 浏览
话说好耐无食寿喜烧, 今晚拣左位于尖沙咀嘅伊势熊食厨师发办寿喜烧! 餐厅由日本福冈县资深日籍主厨久家弘一师傅亲自主理, 装潢非常日式, 以浅木色为主调, 一边系吧枱设计而另一边就系卡位, 车车拣左坐系吧枱嘅位置, 可以一边品尝美食, 一边欣赏师傅嘅烹调手艺! ✨️前菜五品前菜有萤光鱿鱼, 炸樱花🌸虾, 西京烧, 北海道带子𩽾𩾌鱼肝同烧鸡串, 5款前菜全部以一口size, 每款各有特色, 其中以北海道带子𩽾𩾌鱼肝最令车车深刻! 厚厚鲜嫩嘅北海道带子刺身夹住软棉creamy嘅𩽾𩾌鱼肝, 口感丰富同时食到两种截然不同嘅鲜味✨️旬之刺身两款时令刺身, 肉质鲜嫩肥美, 吞拿鱼入口甘香即化, 白身鱼外皮经炙烧过, 油香四溢, 配搭车车好中意嘅紫苏花同食, 令层次感提升✨️本日一品料理生蚝食得多, 寿喜烧生蚝系第一次试, 师傅先用樱花木将生蚝进行烟熏, 再用寿喜烧汁慢烧, 半生熟生蚝加上秘制嘅寿喜烧汁, 肉质爽身, 甜甜地带一点咸味, 沾上wasabi更能刺激味蕾, 令蚝味更突出✨️和牛料理以热辣辣嘅日本鸡汤倒入生牛肉之中, 入口鲜嫩, 鸡汤令牛肉甜味更突出✨️和牛A4寿喜烧香川县橄榄牛用上小豆岛橄榄喂饲,
✨️前菜五品
前菜有萤光鱿鱼, 炸樱花🌸虾, 西京烧, 北海道带子𩽾𩾌鱼肝同烧鸡串, 5款前菜全部以一口size, 每款各有特色, 其中以北海道带子𩽾𩾌鱼肝最令车车深刻! 厚厚鲜嫩嘅北海道带子刺身夹住软棉creamy嘅𩽾𩾌鱼肝, 口感丰富同时食到两种截然不同嘅鲜味
✨️旬之刺身
两款时令刺身, 肉质鲜嫩肥美, 吞拿鱼入口甘香即化, 白身鱼外皮经炙烧过, 油香四溢, 配搭车车好中意嘅紫苏花同食, 令层次感提升
✨️本日一品料理
生蚝食得多, 寿喜烧生蚝系第一次试, 师傅先用樱花木将生蚝进行烟熏, 再用寿喜烧汁慢烧, 半生熟生蚝加上秘制嘅寿喜烧汁, 肉质爽身, 甜甜地带一点咸味, 沾上wasabi更能刺激味蕾, 令蚝味更突出
✨️和牛料理
以热辣辣嘅日本鸡汤倒入生牛肉之中, 入口鲜嫩, 鸡汤令牛肉甜味更突出
✨️和牛A4寿喜烧
香川县橄榄牛用上小豆岛橄榄喂饲, 所以雪花分布平均,食落带阵阵橄榄香,油脂满腔~嚟自京都嘅姬牛, 肉质细嫩有弹性, 味道浓郁, 肉汁丰富, 牛舌真系好难忘, 爽弹带甜, 食落有嚼劲, 完美地吸收哂寿喜烧酱汁, 牛肉均可搭配唔同调味料同食, 例如黑松露／柚子／红椒／wabasi, 不过车车最爱嘅都系沾蛋液, E到除左有蛋液仲有云朵鸡蛋, 蛋白打成泡沫状加上蛋汁与牛肉同食, 层次感整丰富, 好满足! 最邪恶一定系用牛肉包住鹅肝, 上面仲加左黑松露油, 食落口感丰富, 好creamy, 油香系口腔中爆发
✨️日本野菜7品
有嚟自香川县菜の花, 山形县冬菇, 群马县京葱, 京都水菜, 埼玉县白菜, 京都烧豆腐, 静冈县番茄, 樱花面筋, 新鲜日本蔬菜吸收哂寿喜烧汁, 食落好juicy好好味!
✨️云朵云丹盖饭
最后一道菜系蛋白云朵配上用寿喜烧汁煮成嘅滑蛋, 再加入北海道海胆, 可以单食或用紫菜夹住一齐食, 食落棉密细腻, 啖啖鲜甜海胆配搭嫩滑鸡蛋, 完全系一啖接一啖咁食, 好想添饭呢~大满足!
✨️甜品
甜品以柚子雪粑，静冈蜜瓜，红豆，朱古力羊羹同厥饼作结, 特别喜欢朱古力羊羹, 食落好香浓朱古力味, 软滑细腻!
张贴
