藍鳥葡國餐廳

营业中

休息中

朋友带我来呢度食饭，估唔到咁大间而且装修几靓，好似缩细咗嘅小澳门🇲🇴用咗传统蓝色砖画做墙身。Menu全部澳门特色食物，价钱好吸引，一啲都唔贵。2个人食咗马介休饭，炸鸡翼和澳门全只咸猪手配意粉。姐姐好好人，送咗两个汤俾我哋饮🥰我饮嘅罗宋汤，劲多材料喺里面，好好饮。马介休化有少少微辣吊胃，开味蕾。咸猪手我食过澳门嘅同呢一间嘅味道系一模一样，佢同德国咸猪手系唔同嘅；澳门咸猪手有少少食乳猪嘅感觉，各有特色🥰不得不赞炸鸡翼，非常好吃，咬一口脆卜卜，就算放耐咗都依然系脆卜卜🥰仲要系每一只均匀一样颜色。饮品咖啡和热柠檬热情果茶🍵☕️埋单$300都唔使，完全系劲平。唔使去澳门食啦！我地离开餐厅都只系八点几都已经坐满人。