影片
更多
2022-11-03
1936 浏览
记得好耐之前帮衬过一次「Prime Pho」，𠮶时仲喺晌「摆花街」窄窄嘅旧铺，因为𠮶次有少少即兴，亦唔方便影相，所以，食评就无写喇。最近，先知佢搬咗去嘉咸市集「My Central」楼上，而正正约咗朋友食饭聚一聚，故就不如拣佢啦，就晒我，收工行过去都得嘛。虽然「My Central」位置有少少隐蔽，但对晌中环返工嘅我，当然唔难揾，而比起旧铺，呢度大好多，装修简约，水泥地，水泥墙，有少少似工业风嘅感觉。入门靠右全行都是面壁位，适合一、两人，尤其放午饭时间，呢啲面壁位好抢手；而再入啲，就好见到好多四、六人枱，配以射灯，感觉唔错，加上晚市较少人，用餐轻松。睇店名，你都估到主打就喺越式汤粉，不过，搬到嚟新铺，菜式就再进化，唔单止有汤粉，仲有沙律、炸物、越式小食、主菜、米纸卷、米纸薄饼、甜品、啤酒及特色饮品，可谓够晒悦目。此外，枱旁仲插咗一张餐牌，原来喺一啲特色饭品，为「饭桶」客人提供多一啲选择。虽然想试嘅嘢好多，但简简单单试咗一款小食、一款越式法包及其招牌汤河。青柠梳打 $35近排天气叫凉咗，不过，有时又热番，老友拣杯青柠梳打志在想爽吓。杯内唔止有半个青柠晌度，仲加咗好多薄荷叶，加上有汽嘅梳打
虽然「My Central」位置有少少隐蔽，但对晌中环返工嘅我，当然唔难揾，而比起旧铺，呢度大好多，装修简约，水泥地，水泥墙，有少少似工业风嘅感觉。入门靠右全行都是面壁位，适合一、两人，尤其放午饭时间，呢啲面壁位好抢手；而再入啲，就好见到好多四、六人枱，配以射灯，感觉唔错，加上晚市较少人，用餐轻松。
睇店名，你都估到主打就喺越式汤粉，不过，搬到嚟新铺，菜式就再进化，唔单止有汤粉，仲有沙律、炸物、越式小食、主菜、米纸卷、米纸薄饼、甜品、啤酒及特色饮品，可谓够晒悦目。
此外，枱旁仲插咗一张餐牌，原来喺一啲特色饭品，为「饭桶」客人提供多一啲选择。虽然想试嘅嘢好多，但简简单单试咗一款小食、一款越式法包及其招牌汤河。
青柠梳打 $35近排天气叫凉咗，不过，有时又热番，老友拣杯青柠梳打志在想爽吓。杯内唔止有半个青柠晌度，仲加咗好多薄荷叶，加上有汽嘅梳打，所以，非常之酸香清爽，衬晒一阵间个炸物小食
莞茜梳打 $35之前就已经试过莞茜可乐，觉得又几OK㖞，所以，贪得意试试莞茜梳打。一睇就见有好多莞茜蓉浮晒晌面，闻到闻得到𠮶阵阵莞茜嘅草青味，入口莞茜味好强劲，一涌而出，感觉清爽，又无话好怪。
炸宾墟 $58一客有4件，卖相色彩缤纷，睇餐牌就知，以越南特色小食炸米饼为基础，加上葱油、越南沙嗲酱、樱花虾同猪肉松，仲有啲黑鱼籽，配上一片蕃茜，做得精致。入口米饼香脆不腻，味道纷陈具层次，一口米饼，一口梳打，真喺够晒爽呀！
炸宾墟
$58
14 浏览
0 赞好
0 留言
火烧牛腩越式法包 $88越式法包一向都几有特色，目测大概有8吋长嘅法包塞满好多馅料，有牛腩肉、扎肉、鸡肝酱、酸萝卜丝、生菜、金不换，包得大大份，一啖过咬落去真唔喺件易事，然而，法包外层超脆，包心软绵，所有食材混合起嚟令味道多元，口感丰富，仲伴有4片虾片过过口瘾添。
Prime Pho bo $148 越式汤河有一款叫「火车头」，即喺大堆头嘅什锦汤河，然后，呢一碗招牌汤河可以叫做超级火车头，单睇牌面，写到明𩠌料就有封门柳、牛脷、牛腩、牛丸、牛展、牛筋、牛尾同扎肉，配上自家制油条 ，而汤底喺24小时熬煮嘅牛汤，好大碗，够2-3人共享。
Prime Pho Bo 招牌汤河
$148
8 浏览
0 赞好
0 留言
自家制嘅油条亦具亮点，因为混入咗金不换搓成嘅蓉，入口阵阵香味，可以讲喺越式嘅意大利香草包，不妨又沾少少牛汤嚟食，另有一番滋味。
而啲𩠌料，虽然无逐样影出嚟，但份量绝无欺场，一次过试到咁多唔同牛嘅部位，啱晒多心嘅客人。试晒各部位后，真喺无咩好挑剔，最爱就喺封门柳、牛脷同牛尾，皆因肉味同肉质，都喺别具特色。
今餐虽然都喺食越南嘢，但前后试咗几样嘢，都各有卖点，喺一餐不平凡嘅越南菜。不得不提，店员除招呼好之外，对食物都甚了解，问佢哋少少有关菜式及食材嘅嘢，都对答如流。
张贴
