影片
更多
2018-07-26
5262 浏览
虽然近来不时食韩国嘢，但韩烧似乎好耐无食喇，立时有少少瘾起嘅感觉，于是约埋亲友食番餐。地点由我决定，为咗唔好令佢哋失望，梗喺揾间食过知质素嘅稳阵啲啦，加上就大家方便往返，最好喺尖沙咀区嘞，结果，就拣咗太兴广场嘅「炑八韩烤」，翻查番，原来小弟对上一次帮衬「炑八」已经喺3年前嘅事，唔睇又唔觉添。餐厅占二楼整层，虽然无刻意走个圈，但从门口往内一望，地方颇大，枱与枱之间都几有距离感，感觉阔落，有4人圆枱，亦有2人、4人卡位，更有可组合成嘅大长枱，人多人少嚟都可以围炉共聚。而抽油烟喺采用上抽式，效果还算不俗，至少食完都唔会觉得一头「烟」周身烧烤味。腌萝卜、韩式泡菜、大豆芽、薯仔（免费）食韩国嘢一大特色就喺前菜，餐都未点店员就先送上4款前菜，等你边食边谂吓叫咩烤肉。几款前菜都各有个性，做得好食，而萝卜片最得小弟欢心，因为以酸醋腌渍，清爽酸香，除净食，更可以用嚟夹烤肉，平衡一下油腻最好不过；泡菜亦都出色，爽脆，辣度轻盈，啱我唔食太辣嘅客人。最正嘅喺，所有前菜都欢迎无限添加，实在大方。香橙西柚油醋沙律（免费）「炑八」嘅另一特别就喺有免费沙律，唔喺一碟仔，而喺一大碗呀，慷慨万分，其实，就算你话已计入成本
餐厅占二楼整层，虽然无刻意走个圈，但从门口往内一望，地方颇大，枱与枱之间都几有距离感，感觉阔落，有4人圆枱，亦有2人、4人卡位，更有可组合成嘅大长枱，人多人少嚟都可以围炉共聚。而抽油烟喺采用上抽式，效果还算不俗，至少食完都唔会觉得一头「烟」周身烧烤味。
腌萝卜、韩式泡菜、大豆芽、薯仔（免费）食韩国嘢一大特色就喺前菜，餐都未点店员就先送上4款前菜，等你边食边谂吓叫咩烤肉。几款前菜都各有个性，做得好食，而萝卜片最得小弟欢心，因为以酸醋腌渍，清爽酸香，除净食，更可以用嚟夹烤肉，平衡一下油腻最好不过；泡菜亦都出色，爽脆，辣度轻盈，啱我唔食太辣嘅客人。最正嘅喺，所有前菜都欢迎无限添加，实在大方。
腌萝卜、韩式泡菜、大豆芽、薯仔
29 浏览
0 赞好
0 留言
「炑八」嘅另一特别就喺有免费沙律，唔喺一碟仔，而喺一大碗呀，慷慨万分，其实，就算你话已计入成本在内，让客人都感觉好好多。沙律菜好爽脆，香橙及西柚味道酸香，真喺好适合夏天享用。唯挑剔位喺落醋太多，有啲呛喉嘅感觉。
揭开餐牌，选择非常之多，为方便客人选择，已经分门别类显示清楚，由牛肉、韩牛拼盘、猪肉、鸡肉、海鲜，到野菜篮，有图有价钱，清晰不过。
此外，其他韩食，如酱油蟹、韩式煎饼、炸鸡、汤类、饭类、面类……等等，亦一应俱全，唔使怕净喺得烤肉咁寡。
最后两版喺甜品、饮品及酒水类，虽然，韩国餐厅一般都会摆支大冻水晌枱客人自斟自饮，但食韩烧，就如食BBQ，点可以唔饮啲汽水或梳打嚟解吓热气呀！
魔法梳打 $36有咩魔法？其实喺蝶荳花梳打，当倒入附上嘅柠檬汁，就会由蓝色渐渐变为如魔幻般嘅紫色，煞是好睇。蝶荳花本身喺无乜味，故见杯内仲有数片柠檬，整体饮落冰凉清爽。
菠萝梳打 $36食住韩烧点可以唔饮住啲冰冻嘢饮点得，多款梳打中，小弟较钟情菠萝多啲啫。其实喺梳打水加入菠萝糖浆同罐头菠萝粒嘅成品，唔会抱有过多期望，都喺但求一刻凉快就已足够。
正值炎夏，店家乘势推出咗新嘅套餐，亦喺店员嘅极力推介。拣咗「夏日奇幻烧烤套餐」，卖$588，包咗6款肉类及海鲜，仲有一客冷面，话就话二人餐，但加埋啲前菜、沙律，之后，再叫多客甜品，3个人食都无问题。
正所谓工欲善其事，必先利其器，所以，晌枱上就会揾到即弃围裙，最有心思喺装住围裙个袋，原来喺俾人袋手机，同晚可以避免衣衫及手机被溅到油污。
此外，钢钳、铰剪、海盐、大酱（辣豆瓣酱）、生菜……等韩烧开餐必需品，亦都一一备妥。
炉边蛋 / 芝士粟米晌食前菜、沙律期间，店员已静悄悄为我哋预备好炉边烤泡菜蛋及芝士粟米，睇见都好吸引，其实，呢两样都唔喺咩新鲜事喇，不过，依然觉得好食。前者，烤蛋啱啱好，口感软绵绵，底部有啲焦脆，蛋香中有啲泡菜味；后者，待芝士溶得七七八八就可以食，芝士拉出一丝丝嘅效果，而粟米又清甜。
喺时候讲番啲烤肉嘞，一整份烧烤拼盘以长木盒呈上，仲放少少干冰晌一角营造雾幻，实在好有效果。而拼盘包括厚切五花腩、春川辣鸡肉、霜降牛小排、厚切牛舌、大虾及红鱼扒，肉类嘅色泽红润，海鲜就有光泽，极度吸引。
夏日奇幻烧烤套餐
27 浏览
0 赞好
0 留言
「厚切」唔喺浪得虚名，件五花腩成吋厚，又长又大件，由于喺猪肉，需要烧熟啲，所以，烧嘅时间梗要耐啲。一路烧，就散发阵阵油香。净食就一定要叫番句胆固醇万岁，始终有超过一半喺脂肪，但确喺油香四射。所以，跟手就揾啲生菜、大豆芽、泡菜，加点大酱包住食，感觉无咁腻之外，味道嘅层次又丰富啲。
春川辣鸡肉五花腩就食其原汁原味，呢道春川辣鸡肉就经辣粉腌过，而且，腌得入味，烧过后，就仲更加惹味，肉质亦都嫩滑。唯落盐重手咗少少，味道有啲偏咸，所以，更加需要揾啲生菜包住食嚟「沟淡」番少许。
霜降牛小排「霜降」真喺无花无假，睇睇外观，啲牛小排嘅油花多而平均分布，由于薄薄一片，轻轻辣两辣两面就得，入口充满油香，却又唔喺好油腻咋㖞，口感松软到不得了，极具质素嘅牛小排。
厚切牛舌佢哋叫得厚切，认真无欺场，继件五花腩，呢件牛舌厚到成件扒咁。再者，小弟就喜欢牛舌喺厚切，因为较有咬口，薄切就变得另一番风味。烧过嘅牛舌再剪开细件，一口一件，沾丁点海盐，食落吊起牛舌独有嘅「膻味」，口感又柔韧，正呀喂。
大虾上文都讲明呢个喺二人餐，但唔知点解唯独大虾嘅数量喺单数，不过，唔紧要，3个人够分就得喇。啲虾好新鲜，烧之前啲色泽好有光泽，烧后虾肉十分爽弹，沾点海盐就更能突出到虾肉嘅鲜甜味。
红鱼扒比较少听到嘅鱼种，但老实讲，小弟对鱼嘅知识亦好浅薄。捉错时间，应该烧完五花腩后就烤鱼扒，因为五花腩渗出嘅油份用嚟烤鱼就最好。幸好，手势搭够，不过，都一件煎得靓仔，另一件就少烟甩皮甩骨。红鱼扒肉质几嫩滑，而鱼味亦几浓郁，确喺一款唔错嘅鱼种。
干冰八爪鱼冷面「干冰」只喺营造效果，实际个水冷面都有加入少少冰块，故此，食完韩烧，再嚟呢道水冷面，真喺极有消「暑」作用。面条本身几有韧性，除有几片八爪鱼之外，仲有酸萝卜片、青瓜、鸡蛋，份量十足，3-4人分享就啱啱好。
个套餐本身无包甜品，但我仲记上次帮衬嘅时候，试过其「炑八豆粉红豆冰沫」，大碗抵食，既可以甜点作结，又可以再降降温。但晌枱角见到，原来有一款夏日限定冰沫「西瓜冰沫」，卖相吸引，材料丰富，啱晒「些牙」啦。怪唔之得，餐厅内挂满晒西瓜彩旗啦！
西瓜冰沫 $68跟相一样，成个西瓜咁上，而且，堆到满一满成座山咁，够晒霸气。西瓜冰沫比我想像中好好㖞，尤其食完烤肉，再食西瓜粒、云呢嗱雪糕及底下嘅牛奶冰沫（绵绵冰），完全令个人清新番晒，暑气全消。我见介绍话冰沫内有韩式小年糕，几惊真喺有，觉得有啲古怪咁啰，最后喺无嘅，而且，就连瓜壳内嘅果肉都被我哋刮光刮净食晒添。
西瓜冰沫
$68
20 浏览
1 赞好
0 留言
食埋个甜品，就为今餐划上满足又称心嘅句号。事隔3年多，再嚟都无令人失望，食材嘅质素毋庸，定价亦都合理，而且，店员嘅招呼几到位，喺碗水冷面太早上。对比起上次嚟，进步不少，令人刮「炑」相看。
张贴
