影片
更多
2018-05-20
987 浏览
真喺隔咗好一段长时间先约得成呢餐饭，原意喺旧年去完一转台湾嘅花东，友人想揾我分享𠮶次旅行嘅点滴，由上年尾到依家，唔喺我唔得，就喺对方唔得，总之约嚟约去，结果，事隔半年先约得成，都真喺有啲夸张。点都好，成事就好啦，地方就由朋友拣，佢话想食越南嘢，投其所好我就无所谓。 「喜越」我都喺第一次嚟，唔止门面装修得几特别，内里都几骨子，店内地方唔大，一室白色为主调，布置简约，餐厅尾一大幅黑白越南少女画作可谓全店亮点。翻翻餐牌（只喺细细张底面两页），印刷简而精，且图文并茂，4款越式汤河粉、5款越式捞檬粉、3款越式法包、10款越式小食及5款饮品，虽然食物选择唔多，在乎贵精不贵多吧！不过，字粒有啲细，老花嘅朋友真喺要花点眼力。扎肉蒸粉卷 $48粉包一客有4件，做得的的骰骰，洒上点炸鱼干，伴有几片扎肉，粉包嘅外皮真喺唔错，既薄且滑，薄到透出里面嘅馅料，而内里塞满肉碎、木耳、甘笋，好有口感，沾啲鱼露感觉就更鲜。扎肉质感柔软而爽弹，味道都唔错。手撕牛肉法包 $62越南法包都算得喺越南菜有代表性食物之一，店家有3款口味供选择，我哋就应店长嘅推介，拣咗「手撕牛肉」。果然，啲牛肉好松化，配合埋啲酸萝卜、蛋黄酱、猪肝
「喜越」我都喺第一次嚟，唔止门面装修得几特别，内里都几骨子，店内地方唔大，一室白色为主调，布置简约，餐厅尾一大幅黑白越南少女画作可谓全店亮点。
翻翻餐牌（只喺细细张底面两页），印刷简而精，且图文并茂，4款越式汤河粉、5款越式捞檬粉、3款越式法包、10款越式小食及5款饮品，虽然食物选择唔多，在乎贵精不贵多吧！不过，字粒有啲细，老花嘅朋友真喺要花点眼力。
扎肉蒸粉卷 $48粉包一客有4件，做得的的骰骰，洒上点炸鱼干，伴有几片扎肉，粉包嘅外皮真喺唔错，既薄且滑，薄到透出里面嘅馅料，而内里塞满肉碎、木耳、甘笋，好有口感，沾啲鱼露感觉就更鲜。扎肉质感柔软而爽弹，味道都唔错。
手撕牛肉法包 $62越南法包都算得喺越南菜有代表性食物之一，店家有3款口味供选择，我哋就应店长嘅推介，拣咗「手撕牛肉」。果然，啲牛肉好松化，配合埋啲酸萝卜、蛋黄酱、猪肝酱、芫荽，令味道更丰厚。而件法包亦有别正式嘅法包，无咁硬身巉口，松软好食。如果讲到心水越式法包，反而谂起佐敦嘅「马丁王」，因馅料更丰富并多样化，做法正宗。
烧猪肉捞檬粉 $68啲檬粉份量颇大碗，除咁淋上鱼露，亦伴有一小碗清猪骨汤，用作淋落啲檬度食，变相试完捞檬，就可以食汤檬。将所有材料伴匀，增加清爽嘅口感，而啲烧猪肉既香且腍，确喺唔错。事后店长问我哋意见时，话啲猪肉喺「梅头」，唔怪得咁软腍。
冰糖桂皮香茅茶 $28友人就点咗杯热饮香茅茶，送上枱时反而喺啲玉桂味跑出，香茅味变得有点淡薄，但整体仍觉得好滋润，饮落舒畅，秋冬天饮一定更正！。
菠萝冰 $25小弟就想饮杯冻饮，所以，拣咗菠萝冰，只可以讲喺多冰少菠萝，仲期望会唔会喺鲜菠萝货色，唔似啰，因为有阵阵好浓嘅糖水味。
间唔时食餐越南菜都几好，离开时经过同街嘅Pho Bar，原来已经结咗业。一向都知做饮食唔容易，希望啲小店继续努力，等食客享用到更赏心悦目嘅出品。
张贴
