海盜王餐廳

营业中

休息中

四月系赏芒草最佳嘅时机，好多朋友已经喺网上晒靓相。趁假日约左好朋友到上水郊游，去双鱼河附近影芒草海再食埋豆腐花放题，好写意。行左成日，朋友要帮家人庆生，我唯有独自快乐，自己「吔」。六点几嚟到旧墟呢边，见到呢间海盗王餐厅，门口就有张超大餐牌，免加一，就入去试吓。装修以天蓝色为主，仲有啲白云装饰。拣左个丰盛晚市一人套餐，欧陆双胡椒香烤黑毛猪柳配脆薯皇$138。原来好大份，有四件黑毛猪柳，仲要厚切。虽然只系平民餐厅，但呢件绝对系黑毛猪柳，用刀轻轻一鎅就切开，肥瘦适中，有肉味又够弹牙，唔错。双胡椒汁唔辣，好香胡椒味。加埋咁大份脆薯皇，真系好饱，不过今日用左好多体力，全碟清晒~~套餐包左餐汤同餐饮，汤几大碗。餐饮转特饮都系$8，我就加$3转左我至爱即磨咖啡。食到饱饱归家去，今日好开心。