牧羊少年咖啡館 (葵青劇院)

营业中

休息中

十年间，牧羊少年一间变八间，都算系几成功。早年都几钟意去太子店，因为有真 • 旅游元素，之后旅游感愈来愈少，变得同一般文青风 cafe 冇咩分别，就甚少再帮衬。早前，机缘巧合下，去咗葵青剧院呢间。呢间喺政府地场入面，估计租金较便宜，所以可以 afford 到一个旅游书 corner👍。Lunch menu 想食嘅嘢唔多，几经思考下，叫咗流心蛋腐乳卡邦尼长通粉同龙虾汁凤尾虾意大利粉。前者优点系 pasta 够 al dente，配料算多算够味，不过腐乳味非常弱，卡邦尼亦整得唔算正宗，作为一个普通嘅 pasta 系几好味嘅，但如果好似我咁畀腐乳同卡邦尼两者吸引而 order 嘅话，就会失望。后者都有相近评价，都系 pasta 同配料较酱汁出色。随餐附送嘅冰果茶就唔错，茶够浓，唔太甜，饮完，食埋伴杯嘅橙片同西柚片，感觉好 fresh 😚。