囍公館 (已結業)

今日晏昼黎到呢度坐下chill下，餐厅地方超大，有室内同室外，炎炎夏日就梗系坐喺室内凉下冷气啦，室内座位相当舒服，环境开扬。呢度出名食点心之外，cockatails 都好出名架！我地就叫左几样点心同两款signature cocktails！全部即叫即整热辣辣。一坐低员工就问你饮咩茶，等你顺返条气先，有普洱，香片，铁观音，玫瑰花，菊花同人参乌龙；我就拣左玫瑰花，淡淡玫瑰花香好舒服，又养生。彩虹鲜虾饺-一共有三件，不单止样靓，入面啲虾又大只又爽脆，虾饺上面仲有金箔添，打卡一流。盆栽小萝卜-都系有三件，个样劲得意，馅料除左有白萝卜丝之外，仲有干瑶柱丝，外面酥脆，里面有萝卜甜味之外，佢仲多咗份干瑶柱既鲜味，不过要小心焫咀，因为佢真系好热。一口香脆炸鸡 - 外面脆，鸡肉滑，辣辣地，调味刚好。佢另外俾咗一个茄汁俾我哋点，不过我觉得已经够未唔需要。Embittered - 餐牌写苦苦地，我自己就觉得唔苦，几纯，仲越饮越好饮，就算个冰波溶左都唔会觉得稀。白酒-炎炎夏日叹返杯白酒已经可以喺度坐一个下昼。