爆丼屋 (已搬遷) 新店位置

食完饭系MK蒲咗一阵，行行下见到朋友介绍嘅爆丼屋。想成为日本妹嘅我决定买外卖返屋企，顺便孝敬下老豆老母。希望佢地唔好成日闹我。佢地做紧外卖八折。松叶蟹丼 ($275x80%)谂唔到食咩，所以叫店员介绍嘅个冬季限定俾我，限定当然要试。望落劲高级，成个外卖碗围满晒松叶蟹脚、蟹钳，好丰盛！又有蟹脚又有蟹爪，食落有淡淡嘅香味！中间仲有啲吞拿鱼蓉同蟹肉添，足料！鹅肝海鲜盛丼 ($248x80%)呢个我两年前生日食过。𠮶时仲有生日优惠，差唔多成间舖啲人都同一日生日。除咗鹅肝之外，仲有墨鱼籽、帆立贝、海胆、蛋。数一数居然有成12粒帆立贝，少少癫，仲好鲜甜添。肥美嘅鹅肝好入口好香浓，仲有只生蛋可以捞饭食。汽水x2 ($0)有选择困难症嘅我连食咩汽水都谂咗好耐，无奈。我自己唔饮汽水，我妈有啲肥都系叫Coke Zero俾佢算。面豉汤x2 ($0)劲香，搭巴士𠮶时系咁闻到啲香味，劲想返啲返到屋企饮。味道浓郁，仲有好多萝卜同少少三文鱼，正。