影片
更多
2022-09-25
3399 浏览
依间南海小馆系位于海洋公园万豪酒店里面嘅一间中餐厅，佢嘅装饰充满复古风，墙身系以木色为主，枱櫈都系由木制而成，而佢哋嘅吊灯系以鸟笼而制嘅风扇叶，非常特别😍，去完水上乐园超级肚饿，所以就去咗最近嘅一间中餐厅，顺便试吓佢哋嘅菜式，我哋嗌左有:💎冰镇味醂南非鲍鱼 $298 :比较少食冷盘鲍鱼，呢份冰镇鲍鱼有两件，都系切片上，原来冰镇都可以咁爽口弹牙，佢嘅鲍鱼鲜味仍然锁住喺里面，非常有口感，食得出鲍鱼加咗酱料，虽然唔系好食得出系咩，但个味道配海鲜一流，另外配上柠檬，但自己钟意原汁原味，食落先可以突出有几鲜😋😋🐚顺德脆奶拼露笋炒元贝 $398 :见佢呢个菜式有脆奶好似几特别，又有菜，所以叫嚟试吓，原来脆奶即系炸鲜奶，将鲜奶整成膏状然后落油炸，炸嘅时间刚好，食落外面脆卜卜里面好creamy，唔错唔错，另外仲有芦笋同元贝，元贝目测有七大粒，食落完全唔腥，冇雪藏味，几鲜，另外芦笋都非常嫩绿，好爽，整体真系唔差，但卖相就差啲，纯粹系将每样嘢炒埋一齐，上碟就系，呢个𩠌都要$400，卖相就真系要改善下😩😆顺德家乡炒米粉:我觉得唔系好够镬气，米粉嘅配料比较少，味道亦都有啲淡，而肉片色泽系够嘅，但系肉质比较老，
💎冰镇味醂南非鲍鱼 $298 :比较少食冷盘鲍鱼，呢份冰镇鲍鱼有两件，都系切片上，原来冰镇都可以咁爽口弹牙，佢嘅鲍鱼鲜味仍然锁住喺里面，非常有口感，食得出鲍鱼加咗酱料，虽然唔系好食得出系咩，但个味道配海鲜一流，另外配上柠檬，但自己钟意原汁原味，食落先可以突出有几鲜😋😋
🐚顺德脆奶拼露笋炒元贝 $398 :见佢呢个菜式有脆奶好似几特别，又有菜，所以叫嚟试吓，原来脆奶即系炸鲜奶，将鲜奶整成膏状然后落油炸，炸嘅时间刚好，食落外面脆卜卜里面好creamy，唔错唔错，另外仲有芦笋同元贝，元贝目测有七大粒，食落完全唔腥，冇雪藏味，几鲜，另外芦笋都非常嫩绿，好爽，整体真系唔差，但卖相就差啲，纯粹系将每样嘢炒埋一齐，上碟就系，呢个𩠌都要$400，卖相就真系要改善下😩
😆顺德家乡炒米粉:我觉得唔系好够镬气，米粉嘅配料比较少，味道亦都有啲淡，而肉片色泽系够嘅，但系肉质比较老，有待改善😩
🐟顺德拆鱼羹:呢份鱼羹值得推介，佢系以每碗计算，里面嘅配料非常多，鱼肉大大嚿，配菜有木耳丝，青瓜等，食落好清新，鱼汤味都好重，芡汁打得唔错👍🏻👍🏻👍🏻
🍧红豆绿茶薄罉:最后嘅甜品系非常地道嘅绿茶薄罉，佢嘅外形同出面嘅糕点有啲相同，但甜品可以整到外脆内软真系唔错，佢嘅外皮系绿茶蓉，然后包住满满嘅红豆馅料，食落每一啖口感非常丰富，又唔会好甜，食完真系好满足好有饱肚感😆😆
最后想补充番嘅就系，因为我哋比较夜去，基本上都系最后一台，当食到最后一款菜式嘅时候可能剩返四份二到，最后甜品都上埋，之后有个后生啲嘅戴眼镜肥男侍应无端端走过嚟讲，呢个面帮你pack起佢，但其实我哋本身谂住尽快食埋佢，我哋即刻呆咗😓，之后有个中年嘅男侍应走过来补多句，唔紧要，慢慢食，若果唔系咁,我念我即刻投诉左🙄
张贴
