影片
更多
2023-06-11
738 浏览
外卖自取 -- 好食，但...挑战个人修为这是一间有厨艺，但经营不善的舖头。不会再帮衬。如果阁下咁啱有50分钟等候时间，推荐；如果咁啱系赶时间，又睇咗食评，假如延误咗行程/要做的事，至少，证明本人冇作嘢。晚上去买外卖(一家四口分量)，谂住从几间餐厅买不同餐，谂住食几种菜式。Green Brazil 落了单(湿炒河，菠萝炒饭)，四眼经理哥哥说20分钟，听落觉得少少耐，但都唔紧要，明白有四五枱客；因为仲会去另外一间买其他食物，加上 7-11 买饮品和甜品。及至其他餐厅完成落单，7-11买完嘢，经过问咗句：未有，当时15mins，我就去另一间餐厅，等咗一阵，攞埋外卖，几抽嘢再去 Green Brazil，已经系 半个钟，晚上卅度高温，和儿子在门口等。问咗两次经理都系敷衍下，话就嚟得。到了35分，开始真系有啲嬲，同其他非华裔侍应讲等咗好耐，佢哋算有礼貌，但除了等等之外帮唔到手。在 35分至到50分等候中，儿子已经等到呆同埋好热好饿，我亦已经和每一个经过嘅侍应催促过，我问佢地呢两个dish是否复杂，佢地同意系general嘢。再同经理理论，但佢亦只是话「等多两分钟」，我今次真嬲话唔得，叫佢直接入
这是一间有厨艺，但经营不善的舖头。不会再帮衬。如果阁下咁啱有50分钟等候时间，推荐；如果咁啱系赶时间，又睇咗食评，假如延误咗行程/要做的事，至少，证明本人冇作嘢。
晚上去买外卖(一家四口分量)，谂住从几间餐厅买不同餐，谂住食几种菜式。Green Brazil 落了单(湿炒河，菠萝炒饭)，四眼经理哥哥说20分钟，听落觉得少少耐，但都唔紧要，明白有四五枱客；因为仲会去另外一间买其他食物，加上 7-11 买饮品和甜品。
及至其他餐厅完成落单，7-11买完嘢，经过问咗句：未有，当时15mins，我就去另一间餐厅，等咗一阵，攞埋外卖，几抽嘢再去 Green Brazil，已经系 半个钟，晚上卅度高温，和儿子在门口等。问咗两次经理都系敷衍下，话就嚟得。到了35分，开始真系有啲嬲，同其他非华裔侍应讲等咗好耐，佢哋算有礼貌，但除了等等之外帮唔到手。在 35分至到50分等候中，儿子已经等到呆同埋好热好饿，我亦已经和每一个经过嘅侍应催促过，我问佢地呢两个dish是否复杂，佢地同意系general嘢。再同经理理论，但佢亦只是话「等多两分钟」，我今次真嬲话唔得，叫佢直接入厨房追，之后直至我攞到外卖都无见过四眼经理。 过程中真系有几次想放弃直头想叫佢攞返钱嚟，去买烧鹅好过。
买到之后屋企开嚟食系好食，但你要好好个人修为，泄得到度气先可以享受得到。
起初以为因为佢哋唔注重外卖，先至咁样俾人对待；但睇返楼下原来堂食都试过，又系经理话“两分钟”。今次经验系好攰，好嬲，俾咗钱得唔到相应嘅嘢，失望，饿亲家人有点无辜。
张贴