Shelly Cake Express

营业中

休息中

先声明，我系食野非常求其也甚少投诉的人，系十年都唔比一次负评的果类人，而今日好难得我要写一个负评。是日我见到一张好靓的食品图，系豆腐芝士蛋糕，写明南Ｙ岛必食美食，讲到咁犀利，咪入去食啦。室内装饰很可爱，餐具绝美，食物卖相很讲究还洒上了玫瑰花，但食物味道方面太走心了。打卡再靓，真的不能当饭食呀。我彷如练了绝世武功一样，轻轻一叉叉落去，那饼底马上碎裂成千千万万颗碎粒粒，半粒半粉状，成堆浮沙咁，猫沙都比佢粗！那饼底吃上去又淋又软似是放了三日三夜，其松散的程度可以令人知道佢落得唔够料，密度太低，厚度也太薄，根本压不实。好多人都很中意食饼底（包括我），一个好的饼底真系好重要，甚至可以救到／毁了成件CAKE的评价，店家唔应该忽视佢，求其整了就算。我见到果堆神沙时，真系好绝望，觉得倒钱落海。完全零芝士味，大概是为了突出豆腐味挂，咁不如直接叫豆腐蛋糕算啦，唔好乱比个希望人，反正食唔出。