竹虎京堂

营业中

休息中

食物味道一般，但卖相可以，适合打卡。叫咗个猪扒儿童餐：除咗有鸡扒之外仲有个芝士鸡肉丸同炸鱿鱼棒。可以再配乌冬或饭团，再加果汁。炸鱿鱼棒可能比较难咬，小朋友咀嚼两下之后全部吐出。芝士鸡肉丸就有食晒。调味主要系豉油，猪扒系冇咩味道。大人嘅柚子猪扒餐就多咗个焦糖炖蛋，鱼仔小食同鱼松。一个食热荞麦面，一个食竹筒饭，主食系无味嘅猪扒加啲柚子酱。荞麦面味道正常。竹筒饭硬度软硬适中，有股清淡嘅竹味。焦糖炖蛋上嘅焦糖上餐时己经溶咗，味道还可以，好香甜。另外仲有个牛舌冷食荞麦面，牛舌味道还可以，冷食嘅荞麦面唔会黐埋一齐，呢点都唔错。另加咗一粒生嘅鹌鹑蛋。另外，跟餐嘅蒸蛋唔错，汤还可以，汤料都系昆布豆腐之类嘅材料。鱼仔小食都几香口。见隔离有叫鳗鱼，貌似食得几滋味，呢个柚子猪扒，真心唔建议食。