影片
更多
2020-05-16
45 浏览
寻晚去大角咀 路经一间西餐小店 周日都有七成入座率 咁多街坊捧场 实力有番咁上吓-🥚🐓🍝温泉蛋鸡丝卡邦尼扁意粉 ($82）拣卡邦尼酱 皆因我钟意较淡味嘅Parmesan cheese 用佢加蛋黄配制意粉酱 滑溜非常 只温泉蛋半熟半热 好邪恶但无法抗拒 扁意粉al dente 加咗唔少鸡丝 食完都几饱肚-🥗烟三文鱼沙律 (是日前菜跟晚餐主菜 加$15）虽然系前菜 摆碟一啲唔马虎 色彩缤纷 耀眼又开胃-🍄 🥣黑松露野菌忌廉汤 (是日餐汤跟晚餐主菜 加$15）颜色带啲深绿 以为落咗菠菜 细望之下 原来系黑松露加野菌嘅效果 小店唔用大路嘅餐包或切片包 改用蒜蓉脆条grissini配汤 有心思 抵赞-🦐🍝盐烧虎虾伴意大利饭饼 ($168）呢个期间限定主菜 颇有特色 将意大利饭煎成一个又大又圆嘅rice cake 卖相讨好 饭饼煎得有些小脆口 里面嘅意大利饭加入芦笋碎粒 整体味道清新 虎虾大大只 打孖上 正好跟朋友 一人分一只-🍨芝麻雪糕 (跟餐免费）🍮牛奶布甸 (跟餐免费）自家制芝麻雪糕 少甜好味牛奶布甸香甜香滑 女士至爱-🍹冻柠檬红茶 (跟餐
-
🥚🐓🍝温泉蛋鸡丝卡邦尼扁意粉 ($82）
拣卡邦尼酱 皆因我钟意较淡味嘅Parmesan cheese 用佢加蛋黄配制意粉酱 滑溜非常 只温泉蛋半熟半热 好邪恶但无法抗拒 扁意粉al dente 加咗唔少鸡丝 食完都几饱肚
-
🥗烟三文鱼沙律 (是日前菜跟晚餐主菜 加$15）
虽然系前菜 摆碟一啲唔马虎 色彩缤纷 耀眼又开胃
-
🍄 🥣黑松露野菌忌廉汤 (是日餐汤跟晚餐主菜 加$15）
颜色带啲深绿 以为落咗菠菜 细望之下 原来系黑松露加野菌嘅效果 小店唔用大路嘅餐包或切片包 改用蒜蓉脆条grissini配汤 有心思 抵赞
-
🦐🍝盐烧虎虾伴意大利饭饼 ($168）
呢个期间限定主菜 颇有特色 将意大利饭煎成一个又大又圆嘅rice cake 卖相讨好 饭饼煎得有些小脆口 里面嘅意大利饭加入芦笋碎粒 整体味道清新 虎虾大大只 打孖上 正好跟朋友 一人分一只
-
🍨芝麻雪糕 (跟餐免费）
🍮牛奶布甸 (跟餐免费）
自家制芝麻雪糕 少甜好味
牛奶布甸香甜香滑 女士至爱
-
🍹冻柠檬红茶 (跟餐冻饮加 $3）
☕️美式咖啡 (跟餐热饮免费)
咖啡热辣辣 味道回甘
-
📍大角咀大全街6号地舖 La Vigne 
张贴
