Mamaday (已結業)

依间应该都系最出名𠮶几间良心小店，而且环境同食物都够晒打卡able，照顾晒视觉同味觉感受，难怪日日都要等劲耐，今次净系等一个钟已经算快。入到去成个环境偏暖色，加埋墙上面有好多好抵死嘅墙画五颜六色咁好靓，成个气氛好舒服影相一流。虽然佢主要卖点好似系个环境咁，但其实啲嘢食一啲都唔差，推荐试下个炸鱿鱼圈墨鱼滑墨汁炖饭，唔系净系得个黑字，调味啱啱好味道好浓好香，份量都好大份，啱晒一大班friend share嚟食。除咗依啲都仲有好多唔同选择，pizza，小食，意粉之类咩都有，实有样嘢啱食，值得一试。