Burger's Friend Forever (嘉峯匯) (裝修中)

启德呢边刚发展无耐，餐厅数目虽然唔多，但都有唔同种类嘅餐厅供选择。好耐好耐冇去食汉堡包（除咗麦当劳啊🤣）见到呢间有咁多款式同埋卖相吸引，未食已经流口水🤣餐厅装修工业风，店舖细细但系一啲都冇压迫感，平日下午过嚟唔会好多人，可以慢慢坐☺️鹅肝安格斯汉堡$148（配洋葱圈加可乐+$33）呢个汉堡包都几巨型，卖相好吸引，鹅肝外层煎到少少脆，而且相当肥美，入口即溶，面包好香牛油味，煎得脆脆地，安格斯牛肉啖啖肉都几Juicy，中间夹住浓浓嘅芝士，呢个配搭真系冇得输😋洋葱圈食落爽脆，炸粉唔会太厚，味道少少咸刚刚好，再点埋佢嘅蜜糖芥末酱好match呀👍