霸王風味 (已結業)

难得男友星期三放假，我都放吓假做跟得夫人，2口子由坚尼地城行到嚟中环，沿途都谂唔到食咩,最后嚟到中环，到咗我返工嘅主场地带，即刻谂到可以一试霸王风味，呢间嘢想试好耐，但同事话贵，唔舍得食。 今次嚟到已经差唔多3点，佢哋套餐做紧7折，咁就食得过啦不过套餐佢哋每日唔同款，我好想食水煮类，可惜星期三冇，所以只好要咗个炸猪扒拼担担面，男友谂唔到食咩餐，最后点咗羊肉串同啤酒。 呢个午市套餐可选3个，每个小小碟，好丰富咁!男友点嘅辣子羊肉，卖相吸引，口味不错，羊味算重，辣度可以，唔错整体口味唔错，只系我哋错在叫咗杯hoegaarden,呢只啤酒花香酒味同辣味冲撞，破坏嘢食餐饭嘅口味，令人有反胃之感。是次用餐约400，午餐加下午茶也算略贵。