李好味 (已結業)

之前外国朋友来港问我中环有边D餐厅好食，偶然发现到呢间港味十足嘅餐厅，结果自己都忍唔住嚟试！餐厅分上下层，下层饮嘢多，我哋用餐组所以去咗上层，呢度反而更似以前大排档，连餐具都好怀旧呀～～～乒乓菠 $118呢度Ｄ菜单名都好搞笑，唔睇介绍都唔知系甚么来的，见到系菠萝乜乜乜即刻叫，原来系菠萝包burger，里面仲有成块好新鲜好甜嘅菠萝，同好饱满嘅汉堡一齐食，就好似广告咁一咬生果汁肉汁同时爆发，李好味炒饭 $208就咁睇都已经睇得出炒饭包含多种食材：蟹肉﹑虾﹑带子，饭粒系比较扁身相对有咬口，炒饭都炒得好干身唔会浆住晒，加埋适当嘅调味，令海鲜鲜味充分凸显！老鱿鬼鬼 $148每件size制作成一口大细，方便一啖入口，外层炸得够酥脆，放耐咗都唔会淋晒，里面酿咗法国鱼子酱同墨鱼滑，所以口感同一般鬼马油炸鬼有分别，味道更浓郁。正粉肠。肠粉正 $108肠粉炒过之后依然滑溜，酱汁好均匀咁挂在每一条肠粉上，唔会太油，加埋半熟荷包蛋一齐食口感更加丰富，只蛋真系锦上添花。扮上菜 $108 用煲上嘅炒菜我都系第一次见，咁反而可以keep得住菜嘅温度，菜有少少油容易入口亦好够味，新鲜又爽口唔会变一陀，记得要叫蒜蓉呀。