斗滾 (銀座38) (已搬遷) 新店位置

今次同4位朋友共五个人去试，我地6:30入座食到10点，先讲环境地方狭窄，座位唔算舒适，冷气足够，洗手间连同摆货一齐，员工服务不过不失。饮品是自助形式任取，但不包括酒精饮品（需付费）。迷你酱料吧都是自助形式，有炸鱼皮/响铃（可惜冇遮盖暴露与空气中）另有韩式面/公仔面任取。火锅配料柜两个（都算摆放整齐及卫生）。首先会叫你食鸡煲（可唔辣至大辣）可添加，但因为觉得好油加上冇乜肉大部份都系骨，食1转已足够。食完鸡煲之后就会上海鲜拼盘，份量以人头计每人一件，有（带子/鲍鱼/开边虾/圣子/蚬）带子同鲍鱼都蒸过龙有啲烟靭，开边虾唔新鲜，圣子同蚬还可以，中间底部放咗啲乌冬但系完全冇味。跟住就会上一锅乌鸡汤，首先强调叫你饮碗汤先，但系个人认为系味精汤一啲都唔好饮啰。之后攞呢个汤底直接打边炉，唔知系唔系因为个煲底好厚定系个炉比较弱，成日都唔系好滚得起，开到最大都好慢啰，可能因为个汤底唔好味所以烚出嚟嘅食物都系一般。食到最尾佢有半碗椰汁雪燕，但系都完全冇惊喜啰。