BLT Burger (已結業)

卖相唔错嘅burger店😋平时收工见到都几多人食都好想试吓，今日系呢个休闲嘅星期日，终于有时间试吓呢间想食好耐嘅汉堡店啦。我哋三个人食量都唔大所以只系带咗两份汉堡combo set，其实食落都几饱。Classic Burger combo set 呢一份classic burger呢会跟一个酸嘅青瓜同一个好细分嘅沙律仲有一个自选嘅薯条，其实burger就真系一般般啦，旧肉唔算太juicy，同埋配嘅馅都系一啲比较常见嘅料例如蕃茄汁芝士芥辣等等。BLT Burger Combo Set呢份burger就会比上面果份呢多咗份比较香脆嘅烟肉，口感会多层次啲味道亦都会出啲，因为到里面会加咗洋葱番茄等等，个人来讲呢就会比较钟意呢一份多啲啦。花生奶昔个人来讲呢唔系咁钟意饮奶昔嘅，因为朋友想饮就带咗一杯，唔钟意饮甜野嘅我呢都觉得几好饮因为花生底呢，所以有少少咸味唔会话太甜可以值得一试。