弘 CHIRASHI (已結業)

上网见大家好多好评, 今日就黎亲身试下~大约中午十二点半到去到, 要喺出面等一阵位, 舖头比较细, 装修环境平常, 日本餐厅咁啦~睇餐牌真系好吸引~我地叫左弘丼浅草 ($108), 同香葱伴蓝鳍吞拿鱼腩海胆三文鱼子温泉蛋($128)弘丼浅草 - 有三文鱼, 赤虾, 帆立贝, 三文鱼子, 油甘鱼~ 啲食材好似好丰富，摆到好靓，不过佢摆到咁, 食落去好唔方便，我要将全部鱼生拎晒出嚟放碟度，再逐块逐块放返去先可以食。不过咁, 黎呢度都系想睇佢呢个卖相既啫~ 食落又唔系好似之前啲食评咁话非常新鲜，如果只系食新鲜嘅话，我会拣另外一间筑地直送嘅日本店, 黎呢度叫做食个卖相咁啦~~ 香葱伴蓝鳍吞拿鱼腩海胆三文鱼子温泉蛋 - 佢个名已经写晒佢有D乜，吞拿鱼蓉好味但海胆一般般啦， 唔算好甘甜~整体上都好吸引， 实物同相片相符，摆到满满咁， 睇相好似好大， 实际唔算大 ，但份量其实都足够，下次应该试下两层嘅鱼生饭。