影片
更多
2019-12-08
320 浏览
青花亭 #太子又系好多人排队嘅黄店！好彩朋友醒目预先book左位，见到当日唔少人都碰门钉，建议想食嘅可以预先book定位！当初识呢一间Cafe系因为佢bagel嘅供应商系plum子，钟意食bagel嘅都知道plum子系bagel界数一数二。之后再见到唔少人介绍，餐厅环境同食物都好靓。蟹肉南瓜意大利饭 $158 (set 包餐汤、一杯$30嘅餐饮蟹肉份量都几多、真材实料，明显食得出真系新鲜喺蟹就拆出黎，无额外再加忌廉。另外南瓜饭嘅南瓜味都几香甜，不过略嫌未够入个饭度，有啲饭仲系明显一粒粒白色，而且饭亦都比较硬，有啲生生地嘅感觉rather that al dente。另外跟餐配有洋葱汤，朋友形容好似将啲牛肉饭嘅洋葱汁沟水咁，普普通通啦。海滩yogurt $68卖相的确好吸引，有花心思将啲莓雪过，有一层嘅薄冰系面，好靓。 不过味道都唔算太特别，鲜艳嘅蓝色只系食用色素，Yougurt似系普通雀巢原味乳酪，偏甜。相反啲柠檬干就好酸好苦。雪糕棉花糖朱古力(Valrhona) $56当日冇晒棉花糖，所以店员俾咗个大啲嘅雪糕我哋。杯嘢饮又几特别，雪糕并非一般嘅云呢拿或者朱古力味，而系味道酸酸甜甜嘅莓
又系好多人排队嘅黄店！好彩朋友醒目预先book左位，见到当日唔少人都碰门钉，建议想食嘅可以预先book定位！
当初识呢一间Cafe系因为佢bagel嘅供应商系plum子，钟意食bagel嘅都知道plum子系bagel界数一数二。之后再见到唔少人介绍，餐厅环境同食物都好靓。
蟹肉南瓜意大利饭 $158 (set 包餐汤、一杯$30嘅餐饮
蟹肉份量都几多、真材实料，明显食得出真系新鲜喺蟹就拆出黎，无额外再加忌廉。另外南瓜饭嘅南瓜味都几香甜，不过略嫌未够入个饭度，有啲饭仲系明显一粒粒白色，而且饭亦都比较硬，有啲生生地嘅感觉rather that al dente。
另外跟餐配有洋葱汤，朋友形容好似将啲牛肉饭嘅洋葱汁沟水咁，普普通通啦。
海滩yogurt $68
卖相的确好吸引，有花心思将啲莓雪过，有一层嘅薄冰系面，好靓。 不过味道都唔算太特别，鲜艳嘅蓝色只系食用色素，Yougurt似系普通雀巢原味乳酪，偏甜。相反啲柠檬干就好酸好苦。
雪糕棉花糖朱古力(Valrhona) $56
当日冇晒棉花糖，所以店员俾咗个大啲嘅雪糕我哋。杯嘢饮又几特别，雪糕并非一般嘅云呢拿或者朱古力味，而系味道酸酸甜甜嘅莓味，配上Valrhona黑朱古力，感觉好似黑森林蛋糕，中和左朱古力嘅腻，唔错。
奶盖鲜奶玫瑰抹茶 (日本小山园) $50
奶盖嘅位置好香玫瑰味，但未算好浓郁。底下嘅抹茶用上咗日本小山园嘅抹茶粉，略带回甘，不过就冇玫瑰味。整体而言都系一杯几清香回甘嘅抹茶饮料，但值唔值$50就见仁见智。
味道: 3.6/5
性价比:3/5
卖相非常吸引，味道中规中矩，绝对唔系差，但食物称唔得上好特别。最令我印象深刻反而系饮品，但系价钱有啲昂贵。而且可能真系太忙，店员服务态度有少少差，不过话晒都系黄店，门口仲放咗啲文宣，大家都可以多多支持下。
海滩yogurt
$68
50 浏览
0 赞好
0 留言
蟹肉南瓜意大利饭
$158
22 浏览
0 赞好
0 留言
雪糕棉花糖朱古力
$56
23 浏览
0 赞好
0 留言
奶盖棉花糖抹茶
$50
78 浏览
0 赞好
0 留言
海滩yogurt
$68
146 浏览
1 赞好
0 留言
张贴
