糖蓮子 (已結業)

同朋友食完晚饭一齐来呢度食糖水，睇menu见到佢地其中一个招牌甜品美女与野兽（朱古力蛋糕与云呢拿奶冻）系一个比赛度拎过奖，所以就谂住一试。等左大约20分钟，个甜品先整好。个卖相算系有心思，有几块水果配，而且有可可粉，朱古力浆洒系只碟度。听讲呢度个朱古力蛋糕好食，但我就觉得不过不失，可能呢款朱古力蛋糕热辣辣会比较好食，但佢只系暖暖地，味道一般，唔会太甜，蛋糕算系几实，唔会好松散。我觉得呢个朱古力蛋糕同心太软好似，只不过系无左流心朱古力浆。我觉得反而个云呢拿奶冻好好食，闻落有淡淡云呢拿香，食落好滑，甜甜地又唔腻。