Bingo & Cook (已搬遷) 新店位置

因为有event所以黎左呢边，赶头赶命揾野食，见到有间韩国野，职员都系韩国人，谂住食个传统紫菜卷顶下肚，点知无哂！于是拣左个沙律酱炸鸡饭食。用圆纸盒装住呢个饭睇落去真系卖相好普通，而且用纸盒装好似食紧外卖咁，但求其为左饱肚就唔好咁多要求😛最紧要系食落得落口为重要。的确个炸鸡几脆口，鸡肉都嫩滑，唔会煮得过耐。白饭就无特别，不过佢加左沙律酱同紫菜就几开胃。$55 嘅价钱不过不失嘅。另外朋友食𠮶个$80人参鸡就真系好灰，一啲人参味同料都无，但鸡肉煮左咁耐都好滑，有糯米等等材料都好暖胃饱肚。