Pizza Maru (荃新天地)

营业中

休息中

今日停一停，唔写怀旧系列住，因为今日8嘅风球，唔系你想旧就有得旧，有得食已经执到意外发现，人龙热店竟然有开，平时又要齐人，又要早到先有得食，见到有位唔洗等，即入啦其实我唔明点解8号风球仲有人返工，咁危险，香港人真系好钟意返工必食嘅一定系牛骨汁炸鸡，依然好好食，外脆内嫩又juicy，汁酱同调味都好啱我口味Pizza今次试左个未食过嘅蟹肉pizza，我都金精火眼望清楚个menu，系蟹柳定系蟹肉，confirm系蟹肉先嗌，佢幅图啲配料铺满成个pizza面，我仲加钱转埋金芝边。但系上枱一睇，啲料只系得中心部分有料，外围只得芝士，如果系因为转金芝边而减少配料，咁我真系捉虫。最惨系啲蟹肉冇乜味，啲木鱼碎又好难咬，个配搭好似有啲问题。讲番条边，金芝边啲芝士真系超多，冇食饭，食3块pizza系极限，钟意芝士嘅人应该好满足，我就怕怕。