Sense Cafe (已搬遷) 新店位置

今日同好姊妹喺尖沙咀shopping，行到有啲攰，谂起佐敦呢间想试左好耐嘅cafe，于是就决定去朝圣顺便叉一叉电。由于未到晚饭时间，我哋只系叫咗两个甜品。第一个就系呢款盆栽Tiramisu，佢个卖相好得，真系有啲唔忍心食佢。我点嘅系绿茶Tiramisu，绿茶味道适中，冇苦涩味。盆栽上层嘅朱古力脆脆加埋下层软滑嘅Tiramisu，口感十分丰富，值得一试。呢个系同行友人点嘅甜品，卖相同样吸引。呢款甜品可以自选生果同埋sauce。友人拣嘅系芒果加朱古力酱，酸甜嘅芒果配上浓浓嘅朱古力酱多士，味道不错。店内环境舒适，座位尚算宽敞，若果不是赶着继续shopping，会多坐一会儿。今日时间有啲紧迫，下次再试下佢嘅主食。