山下菓子 (如心廣場) (已結業)

同屋企人行完donki想食甜品，得知如心广场有间叫山下菓子，重有pancake食，就谂住去试下。一去到就好多人排队，但因为女女话想食pancake就继续排落去。不过店员态度几好，虽然多人排队，但入座安排都快，排左15分钟左右就入得。餐牌有8款pancake选择，有杂果、朱古力、黑糖珍珠等等，价格由$76至$139。最后就嗌左一个原味pancake同一个tea set 千层蛋糕加cremia雪糕。先讲Pancake，店员告知由于pancake系由蛋浆整起，所以需要等20-30分钟，但其实等落都唔洗咁耐既，好快就有。个pancake上到嚟都真系几吸引，卖相好好，而且份量大份，我地两个大人，一个细路share住食。pancake松软，好重蛋味，加埋糖浆，一个字，正！之后个千层蛋糕都冇咩特别，就系正常嘅千层，抹茶味浓。