當文歷餅店 by Dominique Ansel (已結業)

呢间来自纽约既人气打卡饼店，上次黎既时候，因为疫情暂停左堂食，所以失望而回，今次终于可以食到了。沙嗲牛肉花生烧分为单点$58同连饮品套餐 $78，我地选择左套餐，两大粒花生其实系松软既窝夫，外型够晒吸引，馅料系沙嗲牛肉，再配自家秘制沙嗲酱，酱料味道浓郁，略带微辣辛香，酱汁有花生碎粒，更添口感。新桂香叉烧蛋牛角包分为单点$68同连饮品套餐 $88，我地都系选择左套餐，牛角包非常酥脆，充满牛油香气，每日会预留柴湾老字号新桂香烧腊新鲜出炉既叉烧，配上葱花奄列同自家制蜂蜜蛋黄酱，口感极丰富。