Co-Dining Space (已結業)

今日同好姊妹喺海港城 shopping, 商场入面嘅食店又多人又有冇得先book位，所以识拣我哋就预先订好呢间楼上西餐厅， 血拼完马上过去位置方便。装修以白色为主令人感觉舒服明亮， 我哋两人order咗一份前菜，两份主菜，一份甜品同两杯饮品。前菜方面我哋叫咗法式薯蓉焗田螺。 田螺已挑好， 铺放在混合了芝士的薯蓉上， 方便易食，连旁边嘅沙律菜都新鲜美味。主菜方面我哋叫咗招牌黑松露蟹盖焗意大利饭 以及黑毛猪串烧配甜番薯条。咁意大利饭卖相精美， 靓到要即刻要影相先， 饭全部放在蟹盖上， 蟹盖底下铺了粗盐。 意大利饭软硬适中，加上放在顶的蟹肉， 好睇又好食。西班牙黑毛猪串配甜番薯条， 黑毛猪肉质鲜嫩 ，烧的时间同火候掌握得很好， 再加上中间的清甜车厘茄， 食落清新，感觉健康。 番薯条出面比较少见，本身带甜，可以唔需要点酱。饮品方面我点了菠萝姜味梳打，厚玻璃杯上有压纹，再加薄荷叶点缀，靓爆。甜品方面叫了女仔最爱的Brownie 配雪糕，Brownie味道十分不错，加上核桃，不会甜到漏。士多啤梨雕花，好有心思，蓝莓又大粒又甜,份量挺大的，足够两人用。埋单都系5百几，坐得舒适，位置又便利，可以再去。