粒粒果甜品 (已結業)

水果星球配芒果汁西米($42)卖相好特别好靓，星球咬落去质感似大菜糕，唔会太甜，每粒星球都包住一粒粒既水果，分别有奇异果、西瓜、芒果，咁既配搭几特别，平时食开甜品好少见，但又好食过就咁食水果。另外仲有椰果，以及其他水果同西米配搭，整体都好足料，全部水果都甜同好大旧。草莓恋人($36）平时食甜品好少简士多啤梨系列，但一睇到menu，就已经比佢个卖相吸引住，黎到第一个感觉系好靓既少女粉，未食已经觉得应该会好甜。材料有小丸子、西米、士多啤梨、椰果、士多啤梨雪糕、士多啤梨沙冰，呢个价钱有咁多材料，开系旺角真系算抵食！因为有士多啤梨沙冰系底，食落好透心凉，士多啤梨酸酸甜甜都几好食。整体甜品好食，但坐位比较逼夹，建议比较少人既时间先食。